Молитва 11-я, святого Иоанна Дамаскина
Перевода этой молитвы на русский язык в общественном достоянии нет, поэтому приводится церковнославянский текст.
Пред две́рьми хра́ма Твоего́ предстою́ и лю́тых помышле́ний не отступа́ю; но Ты, Христе́ Бо́же, мытаря́ оправди́вый, и ханане́ю поми́ловавый, и разбо́йнику рая́ две́ри отве́рзый, отве́рзи ми утро́бы человеколю́бия Твоего́ и приими́ мя, приходя́ща и прикаса́ющася Тебе́, я́ко блудни́цу и кровоточи́вую; о́ва у́бо кра́я ри́зы Твоея́ косну́вшися, удо́бь исцеле́ние прия́т, о́ва же пречи́стеи Твои́ но́зе удержа́вши, разреше́ние грехо́в понесе́. Аз же, окая́нный, все Твое́ Те́ло дерза́я восприя́ти, да не опале́н бу́ду; но приими́ мя, я́коже о́ныя, и просвети́ моя́ душе́вныя чу́вства, попаля́я моя́ грехо́вныя ви́ны, моли́твами безсе́менно Ро́ждшия Тя и небе́сных Сил; я́ко благослове́н еси́ во ве́ки веко́в. Ами́нь.
Церковнославянский текст: Викитека