Псалом 115
Перевода этой молитвы на русский язык в общественном достоянии нет, поэтому приводится церковнославянский текст.
Ве́ровах, те́мже возглаго́лах: аз же смири́хся зело́. Аз же рех во изступле́нии мое́м: всяк челове́к ложь. Что возда́м Го́сподеви о всех, я́же воздаде́ ми? Ча́шу спасе́ния прииму́, и и́мя Госпо́дне призову́: моли́твы моя́ Го́сподеви возда́м пред все́ми людьми́ Его́. Честна́ пред Го́сподем смерть преподо́бных Его́. О Го́споди, аз раб Твой, аз раб Твой, и сын рабы́ни Твоея́: растерза́л еси́ у́зы моя́. Тебе́ пожру́ же́ртву хвалы́, и во и́мя Госпо́дне призову́. Моли́твы моя́ Го́сподеви возда́м пред все́ми людьми́ Его́. Во дво́рех до́му Госпо́дня, посреде́ Тебе́, Иерусали́ме.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Аллилу́иа. (трижды, каждый раз с поклоном)
Церковнославянский текст: Викитека