Before a meal
No public-domain English translation of this prayer exists, so the Church Slavonic text is shown.
Во Имя Отца́, и Сы́на, и Свята́го Ду́ха. Ами́нь.
Отче на́ш, Иже еси́ на Небесе́х! Да святи́тся Имя Твое́; да прии́дет Ца́рствие Твое́; да бу́дет Во́ля Твоя́, я́ко на Небеси́, и на земли́; хле́б на́ш насу́щный да́ждь на́м дне́сь; и оста́ви на́м до́лги на́ша, я́ко и мы́ оставля́ем должнико́м на́шим; и не введи́ на́с во искуше́ние, но изба́ви на́с от лука́ваго.
Спаси́, Го́споди, лю́ди Твоя́, и блогослови́ достоя́ние Твое́, побе́ды на сопроти́вныя да́руя, и Твое́ сохраня́я Кресто́м Твои́м Жи́тельство.
Очи все́х на Тя́, Го́споди, упова́ют, и Ты́ дае́ши и́м пи́щу во благовре́мении, отверза́еши Ты́ Ще́друю Ру́ку Твою́ и исполня́еши вся́кое живо́тно Благоволе́ния.
Богоро́дице Де́во, ра́дуйся! Благода́тная Мари́е, Госпо́дь с Тобо́ю; благослове́нна Ты́ в жена́х и благослове́н Пло́д Чре́ва Твоего́, я́ко Спа́са родила́ еси ду́ш на́ших.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Аллилу́ия, Аллилу́ия, Аллилу́ия, Сла́ва Тебе́ Бо́же. (трижды)
Го́споди, поми́луй. (трижды)
Го́споди, Иису́се Христе́, Сы́не и Сло́ве Бо́жий, ра́ди Имени Твоего́ Свята́го, благослови́ я́стие и питие́ рабо́м Твои́м Си́лою Четсна́го и Животворя́щего Креста́, моли́твами Пречи́стыя и Преблагослове́нныя Твоея́ Ма́тре, предста́тельствы Честны́х Небе́сных Си́л Безпло́тных и все́х Твои́х Святы́х. Ами́нь. (троекратно осеняем трапезу Крестным Знамением, после чего садимся и благоговейно вкушаем пищу.)
Church Slavonic text: Wikisource